Online courses

Introduction post: ❤️ https://samehm1.blogspot.com/2021/02/introduction.html

قاعد فالبيت او بتقضي وقت كبير فالمواصلات و بتكون زهقان؟ ⁦🙆🏻‍️⁩
نفسك تتعلم حاجة معينة بس مش لاقي حد او مكان يعلمهالك؟
طب ما تجرب تاخد كورس اونلاين؟

= هستفيد ايه؟
- هتطور من نفسك فمجالك او فمهاراتك الشخصية او هتتعلم حاجة جديدة..
طب هل تعتقد ان المدرسة او الكلية كفاية؟
مؤسس موقع Edx للكورسات الاونلاين كان بيدرس في MIT - Massachusetts Institute of Technology اللي هي من احسن جامعات العالم وشايف ان التعليم الاكاديمي لوحده مش كفاية فقرر يعمل الموقع دا

يعني هتقدر تاخد اقوي الكورسات من احسن جامعات العالم وانت قاعد فمكانك!
كل اللي انت محتاجه نت عشان تسجل فالكورس اللي انت عايزه و بعد كدة تقدر تحمل المحاضرات اوف لاين عشان لو حابب تشوفها فالمواصلات مثلا لو بتقضي فيها وقت كبير بدل ما بتسمع اغاني مثلا بالهاند فري و بتقعد عالفيسبوك السكة كلها تـ Scroll بلا هدف..
ممكن تخصص ربع ساعة حتي تشوف فيها محاضرة ولا اتنين من الكورس بنفس الهاند فري 😉

في مواقع كتيرة تقدر تاخد عليها كورسات اونلاين علي رأسهم:
1. Coursera
2. Edx
3. LinkedIn Learning
4. Udemy

اللغة الام فالمواقع دي هي ال English طبعا، لكن في كورسات كتير فيها Subtitles مُترجمة لـ لُغات كتيرة منها العربي
* تقدر تطوع فالترجمة علي موقع كورسيرا من هنا
• https://translate-coursera.org/

ولكن لو عايز مواقع عربي فـ احسن 2 هما موقع "إدراك" و "المنتور"
و في مواقع تانية زي "رواق" وغيره كتير

طب نظام المواقع دي ايه؟
بتختلف من موقع للتاني و لكن هتكلم عنهم بشكل عام..
اول ما بتدخل بتعمل اكونت (بالاسم اللي عايزه يطلع لك فالشهادة فخلي بالك متكتبش اسمك كله small مثلا، خلي اول حرف من كل اسم Capital)

بعد كدة لو مهتم بحاجة اعمل سرش عليها (وممكن فالاول تاخد لفه فالموقع لو مش فدماغك حاجة معينة)
ولما تعمل سرش اعمل filter بمواصفات الكورس اللي انت عايزها

لو بتتعرف لسه علي مجال معين يبقي اختار فخانة الـ Level مستوي beginner او Mixed مثلا
لو عايز كورس مدته قصيره (و يفضل طبعا فالاول عشان متزهقش ان الكورس طويل فتتقفل من فكرة ال Online courses) اختار اقل حاجة فال Duration...
*علي موقع زي Udemy هتلاقي في كورسات مدتها نص ساعة بس!
*وعلي موقع زي Lynda هتلاقي في اقل كمان (لان كورساته غالبا ما بتكون متخصصة فنقطة صغيرة من وسط بحر المجال الكبير)

لو عايزsubtitles عربي او انجليش (تقوي اللغه) او غيره اختار من اللي موجود
لو في كورسات بفلوس (هتكلم فالنقطة دي تحت) و عايز تبدا بحاجة free يبقي اختار فال Price انك عايزه Free

طب لاقيت اكتر من كورس؟
ادخل اقرا ال descriptions و شوف ال Preview videos لو في و اقرا Reviews الناس عشان تكوِّن فكرة انهي الاحسن او تبدأ بانهي لو الاتنين كويسيين و مناسبين بالنسبة لك (فهتخلي واحد فال Wishlist و التاني ابدا فيه)

شوية ملاحظات بقي...
• أغلب المواقع بتكون الكورسات اللي عليها For free و غالبا ما بتكون الشهادة بس هي اللي بفلوس - لو عايزها، مش إجبار تاخدها يعني...
• متخليش همك الشهادة، لما تيجي تشتغل هتتسال انت بتعرف تعمل ايه و هتثبت دا عملي اهم من انت معاك شهادات ايه، الشهادة ممكن جدا تتفبرك لكن المهارة عمرها ما هتتفبرك!
• الكورسات اللي بتكون بفلوس بتكون شاملة الشهادة.. مش بعزقة فلوس وخلاص :"D
• غالبا ما بيكون المحتوي Updated فبتلاقيه بيتطور من وقت للتاني، ودا هتلاقيه فتفاصيل الكورس لما تدخل عليه هتلاقيه يا اما Published at يا اما Updated at

طب خلينا نتكلم عالكورسات اللي شهاداتها بفلوس.. - لو عامل الاكونت عالموقع بإيميل عادي زي الـ Gmail مثلا:
علي موقع زي كورسيرا تقدر تعمل حاجة اسمها Financial aid قبل ما تسجل في الكورس - جنب كلمة Enroll now - و بتجاوب عالاسئلة الموجودة انك طالب مصري متقدرش تتحمل تكاليف الكورس وما الي ذلك، و بعد 15 يوم بيجيلك الرد ان شاء الله بالموافقة و تبدأ فالكورس عادي و اول ما تخلصه بتاخد الشهادة فري و متقلقش الموضوع دا قانوني جدا مفيهوش اي مشكلة

اما لو عامل اكونت عالموقع بالـ إيميل التعليمي بتاعك (زي ايميل طلبة مدارس STEM وطلبة الجامعة اللي اخره .edu بدل .com) فانت مش هتلاقي كلمة Financial aid لان انت اصلا ليك القابلية انك تاخد الكورس و الشهادة For free، دا غير ان الايميل التعليمي مهم و بيديك مميزات و حاجات كتير تقدر تحملها و يكون لك عليها Access فري
*تقدر تطلبه من الـ IT عندك فالكلية

خلصت يا سيدي الكورس، الف مبروك!
لو اخدت الشهادة تقدر تحطها فال C V و تنزلها علي موقع لل Networking زي LinkedIn كـ نوع من ال Self branding في الاكونت عندك و ممكن في بوست كمان

= طب تنصحني ابدا بكورس ايه؟
- يا اما كورس صغير في مجالك و في مستواك
يا اما كورس صغير لمهارة معينة من المهارات الشخصية عايز تكتسبها بحيث يكون الكورس سهل كبداية
يا اما كورس Learning how to learn علي كورسيرا ودا كورس لذيذ و هيعرفك ازاي بنتعلم و يقولك علي حاجات تساعدك وانت بتتعلم (فهيساعدك فرحلة تعلُّمَك و فباقي الكورسات)

* عيبه الوحيد كبداية انه حوالي 15 ساعة ولكن متتخضش من الرقم لو قسمته مش هتحس بيه (دا غير انك لو فتحت علي ابليكيشن الـ Facebook عندك حاجة اسمها Time on Facebook هتتخض اكتر :"D)
* الكورس دا "أحمد أبو زيد" لخصه ففيديو اقل من 40 دقيقة علي قناته عالـ YouTube "دروس أونلاين"
• لينك القناة: https://www.youtube.com/channel/UCEHvaZ336u7TIsUQ2c6SAeQ
• لينك الفيديو: https://www.youtube.com/watch?v=7nmKtI7fEmU&t=3s

طب هل التَعُّلُم وقف لحد الكورسات؟
فالحقيقة لا خالص..
الموضوع تطور لحاجة أكبر اسمها Nano degree
ودي بتكون عبارة عن مجموعة كورسات مترتبه فمجال معين
وبقت اوسع من كدة..
فتقدر تدرس دراسة اكاديمية اونلاين من التقديم لشهادة التخرج!

كدراسة اكاديمية بالعربي ففي "زاد أكاديمي" للدراسات الاسلامية و شعارهم "ما لا يسع المسلم جهله"
لينك الموقع:
• https://www.zad-academy.com/

وكدراسة اكاديمية بال English او بالعربي فـ في "University Of People" متاح فيها تدرس بكالوريوس و ماجستير و زماله
• لينك الموقع:
https://www.uopeople.edu/
• لينك خبر اتاحة الدراسة باللغه العربية:
https://www.uopeople.edu/about/worldwide-recognition/press-releases/uopeople-in-arabic-to-launch/
• لينك التسجيل:
https://bit.ly/3atwzkc


طيب دلوقتي مع الدنيا السريعة و العالم اللي بيتطور كل يوم، هل هتفضل الدراسة الجامعية ٤ سنين؟
فالحقيقة شركة Google عملت موقع اسمه Grow with Google
ودا عبارة عن كورسات من جوجل و باستضافة علي Coursera، شهادته معتمده منهم تقدر تاخدها في فترة زمنية ما بين 3 لـ 6 شهور - بمعدل 5 ساعات دراسة فالاسبوع - تساوي اربع سنين الدراسة التقليدية فالجامعة!

كتير من ادوات و مصادر Grow with Google بتكون فري، وكمان تقدر تقدم علي Financial aid علي كورسيرا عادي عشان تاخد الشهادة لما تخلص زي ما اتكلمنا فوق
• لينك الموقع:
https://grow.google/

وزي ما اتكملنا فآخر البوست اللي فات - الـ Freelancing - عن النوايا، فـ جدد نواياك للتَعَلُّم و احتسب الأجر ✨
• لينك البوست: https://samehm1.blogspot.com/2021/02/freelancing.html

يا تري بقي لسه زهقان ولا نويت تملي وقتك بحاجة مفيدة؟

و اخيرا، تقدر تشوف كورس العبد لله علي موقع Udemy من هنا:

https://www.facebook.com/AstronautSchool1/posts/159063675726725

و بكدة نبقي وصلنا لنهاية البوست، اتمني اكون اتكلمت بشكل ملم عن الموضوع و تكون استفدت و تفيد غيرك بانك تعمل له شير و تبعته لصحابك المهتمين لان "ذكاة العلم نشره".. تخيل حد يتعلم حاجة و يشتغل بيها طول عمره فتكون فميزان حسناتك لانك عرفتهاله ^^

مستنيك تختار اول كورس و تكتب كمنت باسمه وليه اختارته هو بالذات ورايك فالبوست 😉

بالتوفيق للجميع يارب ❤️⁩